我哋於去咗7月嘅香港婚紗展(事前完全沒有做資料搜集), 我哋行咗成個圈，最後見到台灣幸福感婚紗攝影工作室Happiness Studio 嘅外景及風格都唔錯，於是就揀呢間。
11月頭去咗台灣清境(兩日一夜)影婚紗相！ 心情既興奮又緊張吖… 第一日，啱啱落機冇幾耐就即刻過去舖頭，入到去見到間鋪頭裝修都幾有特色， 一開始就認識了幸福感婚紗攝影工作室嘅KELLY (佢係全程負責我哋呢對新人嘅大小事項，有咩問題佢都可以透過line去同我哋即時解答)，佢同我哋好詳細咁去講解及了解我哋所希望影出來的婚紗攝影特色。之後阿倫(老闆)就同我們逐一說出台灣影相特別嘅地方,然後細心同我們安排兩日一夜嘅行程( 花海~ 日月潭 ~老英格蘭~青青農場~ 南推奇岩)。由於時間緊密, 說完行程就已經需要過去試婚紗及禮服。
第二日一早就要開始做造型及化妝，佢叫芝芝， 由於台灣開始轉凍， 本人又有少少感冒，佢不斷噓寒問暖，令人窩心。 出發前， 仲有位叫燒餅嘅攝影助理指導我們怎樣望鏡頭，擺pose， 令我哋更加容易投入。由於行程緊密所以我哋完成造型就即刻上車出發去花海~日月潭， 嗰度風景還不錯。
其實老英格蘭先係我哋嚟影相嘅重點。 雖然佢嘅住宿一晚需要港幣二千幾，但係阿倫老闆都好好幫我哋去代購，( 啱曬我啲大忙人) 第一天夜晚同第二天早上都在老英格蘭拍照。難得的係老英格蘭嘅早上係陽光普照， 藍天白雲。 聽番佢哋講, 這個係難得嘅天氣,因為老英格蘭近高山,通常都係陰天, 有霧有雲。
離開老英格蘭食完一餐好快速嘅午餐後就即刻講過去海邊影峭壁奇岩，喺車上我突然諗起之前見過有張相係中正紀念堂出面影，影得唔錯 。 於是就求其噏問下阿倫得唔得，佢竟然不猶豫咁就話好，最後我哋去嗰度影多幾張*^O^* ，簡直太好人了。兩日一夜既影相旅程終於完成，雖然行程緊密，時間緊迫，但係都十分滿意。
到了第四日下午就需要過去揀相，又再一次見到熱情嘅Kelly。等緊揀相嘅時候佢竟然出去買咗兩杯珍珠奶茶畀我哋飲，佢會介紹台灣嘅美食，又會於揀相嘅時候畀到唔同建議。 由於我們會返香港影多一輯，所以是次婚紗相我們只是選了60張。 最重要嘅係，佢知道我哋會返香港影多一輯，沒有不斷推銷，這種服務態度值得欣賞。
影完相之後，我們會喺台灣留多幾天輕鬆一下，Kelly都好有心地介紹我哋去台灣道地夜市。之前我們都只是口頭約定話夜晚等佢收工之後我哋出去夜市，好讓她做一晚東道主。 到了當晚，她真的同我哋一齊去夜市行一行( 實在太熱情啦)，佢仲不停介紹當地嘅文化美食， 亦帶了他的朋友一齊互相認識！
呢次嘅旅行感覺好愉快，因為除咗係影婚紗相之外，仲識到台灣嘅朋友，令我哋更加深入台灣文化。